سعر واحد للشركة — مش لكل مستخدم
مافيش رسوم تركيب، ومافيش سعر لكل مستخدم. تدفع للحزمة، وتضيف اللي تحتاجه من موظفيك على النظام بلا زيادة. والأسعار اللي تحت بتتقرا من النظام نفسه لحظياً — مش مكتوبة في الصفحة.
تكاليف مشاريع
المشاريع ومراكز التكلفة · العمالة · المشتريات · مصروفات المشاريع · النقدية
أو 350 ر.ع سنوياً
- 16 موديول مفعّل
- حتى 5 مستخدم و15 مشروع
- 14 يوم تجربة
- تحديثات ودعم بالعربي
مبيعات ومالية
كل اللي فوق + الأستاذ العام والمبيعات والمشتريات والضريبة والقوائم والإقفال
أو 550 ر.ع سنوياً
- 34 موديول مفعّل
- حتى 10 مستخدم و40 مشروع
- 14 يوم تجربة
- تحديثات ودعم بالعربي
مبيعات ومالية وموارد بشرية
كل اللي فوق + شؤون الموظفين والرواتب
أو 800 ر.ع سنوياً
- 38 موديول مفعّل
- حتى 20 مستخدم و100 مشروع
- 14 يوم تجربة
- تحديثات ودعم بالعربي
الأسعار بالريال العُماني وماتشملش ضريبة القيمة المضافة. لو محتاج النظام كامل بكل الـ46 موديول، أو عندك أكتر من شركة، اتكلّم معانا — السعر بيتحدّد على حجم الشغل.
إيه اللي جوّه كل حزمة
الفرق بين الحزم هو الموديولات المفتوحة. والأساسية — المشاريع والإعدادات والمستخدمون والتقارير وسجل النشاط والإشعارات — بتيجي مع الكل.
لو سؤالك: «المشروع دا كسبان؟»
بتاخد المشاريع ومراكز التكلفة والعمالة والمشتريات ومصروفات المشاريع والنقدية. كفاية لو محاسبتك بره ومحتاج التكلفة والربح بس.
لو محتاج المحاسبة جوّه
كل اللي فوق + الأستاذ العام والقيود والسندات والضريبة والشيكات والقوائم المالية والإقفال والأصول. يعني مافيش نظام محاسبة تاني.
لو الرواتب عندك وجع
كل اللي فوق + شؤون الموظفين والرواتب ونهاية الخدمة وحماية الأجور وبوابة الموظف. الراتب بيدخل تكلفة المشروع لوحده.
أسئلة بتتكرّر
فيه رسوم تركيب؟
لأ. الاستيراد الأول لبياناتك داخل في الاشتراك. اللي بيتحاسب لوحده هو التخصيص الخارج عن النظام — قالب بنك جديد مثلاً، أو تقرير بشكل معيّن عندك.
السعر بيزيد لو زوّدت مستخدمين؟
لأ. السعر للشركة. تضيف اللي تحتاجه من موظفيك، وكل واحد بياخد صلاحياته.
أقدر أبدأ بحزمة وأكبّر بعدين؟
أيوه. الترقية بتفتح الموديولات الزيادة على نفس بياناتك في نفس اللحظة — مافيش نقل بيانات ولا نظام تاني.
وبياناتي لو وقّفت؟
بياناتك بتاعتك. بتاخدها كلها مصدّرة قبل الإيقاف، والنسخة عندنا بتتشال بعدها.
النظام على السيرفر بتاعي ولا عندكم؟
عندنا افتراضياً، وبتدخله من المتصفّح. ولو سياستك بتفرض سيرفر عندك، دا ممكن باتفاق منفصل.
فيه فترة تجربة؟
أيوه — نجهّز لك نسخة ببياناتك على مشروع واحد. لو الأرقام طلعت صح نكمّل.
جرّبها على مشروع واحد
أسرع طريقة تقرّر: مشروع واحد حقيقي، ببياناته، وتشوف الربح بيطلع كام.